29 ਮਾਰਚ 1748 ਨੂੰ ਜਦੋਂ ਸਿੱਖ ਮਿਸਲਾਂ ਬਣੀਆਂ ਤਾਂ ਸ: ਨੰਦ ਸਿੰਘ ਜੱਟ ਪਿੰਡ ਸਾਂਘਣਾ (ਅੰਮ੍ਰਿਤਸਰ) ਨੇ ਆਪਣੀ ਸਾਂਘਣੀਆ ਮਿਸਲ ਬਣਾ ਲ ਈ। ਸ: ਜੱਸਾ ਸਿੰਘ ਆਪਣੇ ਦੋ ਭਰਾਵਾਂ ਤਾਰਾ ਸਿੰਘ ਅਤੇ ਮਾਲੀ ਸਿੰਘ ਸਮੇਤ ਨੰਦ ਸਿੰਘ ਦੀ ਮਿਸਲ ‘ਸਾਂਘਣੀਆਂ’ ਵਿਚ ਸ਼ਾਮਿਲ ਹੋ ਗਏ। ਨੰਦ ਸਿੰਘ ਦੇ ਸੁਰਗਵਾਸ ਹੋਣ ਤੋਂ ਬਾਅਦ ਸ: ਜੱਸਾ ਸਿੰਘ ਈਚੋਗਿੱਲ ਮਿਸਲ ਦੇ ਜਥੇਦਾਰ ਬਣੇ। 1748 ਈ: ਵਿਚ ਹੀ ਸ: ਜੱਸਾ ਸਿੰਘ ’ਤੇ ਇਹ ਦੋਸ਼ ਲਗਾਇਆ ਗਿਆ ਕਿ ਉਨ੍ਹਾਂ ਆਪਣੀ ਨਵਜਨਮੀ ਕੰਨਿਆ ਦੀ ਹੱਤਿਆ ਕੀਤੀ ਹੈ ਅਤੇ ਇਸ ਦੋਸ਼ ਬਦਲੇ ਪੰਥ ਨੇ ਉਨ੍ਹਾਂ ਨੂੰ ਛੇਕ ਦਿੱਤਾ, ਜਿਸ ਕਾਰਨ ਜੱਸਾ ਸਿੰਘ ਆਪਣੇ ਤਿੰਨ ਭਰਾਵਾਂ ਜੈ ਸਿੰਘ, ਖੁਸ਼ਹਾਲ ਸਿੰਘ, ਮਾਲੀ ਸਿੰਘ ਅਤੇ 100 ਸਿਪਾਹੀਆਂ ਸਣੇ ਜਲੰਧਰ ਦੇ ਫੌਜਦਾਰ ਅਦੀਨਾ ਬੇਗ ਦੇ ਨੌਕਰ ਹੋ ਗਏ, ਜਦੋਂ ਕਿ ਤਾਰਾ ਸਿੰਘ ਪੰਥ ਦੇ ਨਾਲ ਰਿਹਾ।
